ZUINGERUS Theodorus

ZUINGERUS Theodorus

Philosophus et Medicus Basiliensis praestantissimus, Bucholcer. Ind. Chron.

Natus Basileae A. C. 1533. patre Leonhardô pllione, Episcopicellanô, sed cive Basiliensi, ex Christiana Oporina, sub Conrado Lycosthene Studiorum in patria rudimenta posuit: Petrum dein Ramum Parisiis, Bassianum Landum, Victorem Trincavellam Venetum, Antonium Francanzanum Vicentinum, Hier. Capivaccium Patavinum, Aloysium Bellacatum Brixiensem, Gabr. Fallopium, Patavii docentes audiit. Inde Venetias A. C. 1555. delatus, Laur. Priulo Nobili operam suam addixit, reversusque Patavium, Phil. et Medicinae ibi lauream adeptus est, A. C. 1559. Mox Patriae redditus, Graecâ primum, ex in Ethicâ Professione defunctus, obiit A. C. 1588. Eius prostant Somnium Nautileum, in nupt. Bas. Amerbachii: Tabulae in Arist. Ethica et Politica: Methodus Apodemica et Rustica: Morum Philosophia Poetica: Theatrum Vitae Hum. in 4. tom. Tabulae in 22. Comment. Hippocratis, in artem Medicin. Galeni, in eiusd. librum, de constitutione artis Medicae: Physiologia, a Iacobo fil. edita: Tabulae in Psalmos Davidis, etc. Elogium eius vide apud Thuanum, qui eius hospitiô aliquandiu usus est, in Histor. nec non apud A. Teisserium, Elog. Part. 2. Pater fuit Iacobi.